Open water diver

Convértete nun mergullador certificado!

Este curso vaiche permitir practicar o mergullo en calquera parte do mundo sen necesidade de ir acompañado dun instrutor. Non é necesario ter experiencia previa para poder realizalo.

Curso impartido por instrutores PADI; a organización internacional de máis prestixio no mergullo recreativo. Consta dunha parte teórica e outra práctica. A duración dependerá da dispoñibilidade dxs alumnxs para poder asistir ás clases, xa que nos adaptamos ás vosas necesidades. A parte práctica, inclúe unha parte de augas confinadas (piscina ou mar), na que aprenderás a manexar o equipo e as destrezas necesarias para converterte nun mergullador autónomo. E catro inmersións en augas abertas nas que poñeremos a proba todo o aprendido anteriormente.

Advance open water diver

Dá un paso máis na túa formación!

Este curso está pensado para aquelas persoas que xa fixeron o Open Water Diver pero queren seguir gañando confianza e mellorar as súas habilidades como mergulladorxs. Consta de cinco inmersións de aventura, totalmente distintas entre si, que che darán a oportunidade de explorar outros aspectos do mundo submarino. Acompañadx do teu instrutor PADI realizarás as inmersións obrigatorias de profundidade e navegación. Aquí aprenderás as técnicas básicas para planificar e desenvolver este tipo de saídas con total seguridade. Posteriormente, realizarás outras tres inmersións de aventura adicionais máis adaptadas aos teus gustos ou intereses.

Rescue diver

Prevención e reacción ante os problemas na auga!

Curso intenso, pero moi gratificante. O teu instrutor ensinarache a evitar e xestionar adecuadamente os problemas que poidan xurdir na auga. Segue aumentado o teu nivel de confianza sabendo que podes axudar a outrxs compañeirxs en caso de ser necesario. A pesares de ser un curso esixente, moitos mergulladores considérano o mellor curso de todos os que realizaron. Practicarás técnicas de autorescate, aprenderás a recoñecer e xestionar unha emerxencia de mergullo, realizarás simulacros de rescate a mergulladores en pánico ou inconscientes e poñerás en práctica os teus coñecementos en primeiros auxilios.

Divemaster

O comezo dunha nova carreira profesional!

O divemaster é o primeiro paso da túa carreira profesional dentro do mergullo recreativo. Traballarás ao lado dun instrutor PADI axudando cos cursos e supervisando actividades de mergullo. Perfeccionarás as túas habilidades subacuáticas e dominarás a teoría do mergullo ao nivel dun instrutor. Unha vez finalizado o divemaster poderás traballar como guía de mergullo en calquera parte do mundo. Probablemente, sexa o curso máis completo en canto á formación e as prácticas que farás a nivel profesional.